Kryeprokurori Sigurd Halvorsrudi ka vënë duart mbi fytyrë. Para tij, mbi dysheme, gjendet bashkëshortja, koka e ndarë nga trupi dhe këmisha blu e Halvorsrudit është tërë njolla të errëta, njolla gjaku. Por komisarja Hana Vilhelmseni nuk dëshiron të marrë vendime të parakohshme. Halvorsrudi beson se e di emrin e kriminelit – Stale Salveseni, një biznesmen i dështuar nga Oslo. Mirëpo Salveseni, sipas gjasave, është mbytur në det disa ditë para se të ndodhte krimi. E megjithatë, Hana Vilhelmseni duket se nuk e pranon këtë goditje në hetimet e saj: ditë e natë ajo mendon vazhdimisht për shoqen e saj Sesilian, që krejt papritur i tregon asaj diçka tragjike. Shumë shpejt shtohet edhe një viktimë tjetër. Gazetari i njohur i problemeve ekonomike, Bromo, gjendet i masakruar – në qilarin e Salvesenit, që është i mbushur gjithandej me shenjat e gishtërinjve të kryeprokurorit. Anne Holt ka paraqitur me stil të fortë çështjen e re të Hana Vilhelmsenit, zgjidhja e së cilës është sa e papritur, aq edhe emocionuese.
“PREKJA E SË KEQES” ËSHTË VAZHDIM I LIBRIT “ENGJËJT E HAMURABIT”. Të gjithë mendonin se Xhejr Vesterlundi, diplomat finlandez, kishte vdekur prej kohësh. E përkundrazi, është një i arratisur dhe ia ka mbathur nga Kroacia – vendi i fundit ku është parë i gjallë – falë një pasaporte suedeze false. Pas vetes ka lënë një trup me kokë të prerë dhe pak shenja që të çojnë në Stokholm. Agjentja e Interpolit, Anikë Lehtoja, ka ndër mend ta zgjidhë çështjen dhe t’i shkojë deri në fund. Për këtë arsye kërkon të kthehet në shërbim pas muajve të gjatë të sëmundjes që e kanë mbajtur larg hetimeve. Bashkë me Anikën, edhe Daniel Kuisma vihet në gjurmët e Vesterlundit. Por mbi kokën e Danielit qëndron pezull një akuzë për krime lufte që u takojnë ngjarjeve të errëta të së shkuarës. Fillon kështu ndjekja e njeriut përmes kufijve ndërkombëtarë nga Norvegjia e largët në San Francisko, derisa mbërrin në Hagë. Por sa më shumë i afrohen presë Anika dhe Danieli, aq më shumë kuptojnë natyrën e vërtetë të Vesterlundit. Dhe fillojnë ta shohin qartë përbindëshin që jeton brenda tij.
Ne nje stol, mu ne qender te sheshit, i rrethuar nga bisedat e shumta te kalimtareve eshte ulur nje burre. Ne gjunje mban nje bllok nga i cili nuk ndahet kurre. Pret castin e duhur per ta hapur dhe per te shkruar ne te perqafimet me te bukura,deshmitari i heshtur i te cilave eshte. E ka bere kete gje per me shume se 30 vjet:nje gjueti krahesh qe bashkohen dhe qe, kur kapen mes tyre, flasin per nje histori. Historine e lidhjes se pathyeshme mes prindit dhe femijes. Ate te pajtimit mes dy vellezerve, qe ishin ndare prej shume kohesh. Apo ate te pasionit qe bashkon dy te dashuruar ne nje te tashme te perjetshme, nga e cila nuk duan te largohen kurre. Copeza jete te kapura ne nje cast persosjeje te heshtur, qe flasin per dashuri te vecata e te paperseritshme. Sepse dashuria eshte shume me teper sesa nje shenje ne grafik apo nje fjale ne fjalor. Dashuria eshte nje mister i panjohur, nje cmenduri e embel qe deperton te ne per te mos na lene kurre. Eshte nje force qe u shmanget etiketimeve dhe perkufizimeve, duke marre gjithmone forma te ndryshme: si gezim, enderr apo lumturi. Eshte balsami qe mund te qetesoje dhimbjen dhe te sheroje plaget me te thella. Nje pervoje gjithperfshirese, qe na detyron te veme ne pikepyetje zgjedhjet dhe te gjejme guximin per ta kthyer boten permbys, per tu kuptuar se kush jemi dhe cfare kemi per te dhene.Atehere, per te njohur kete emocion te jashtezakonshem, mjafton te mesosh te kridhesh ne te, te rrezikosh gjithcka pa u menduar shume, te hapesh zemren tende edhe kur askush nuk duket se e ka celesin e duhur per te hyre aty. I cmendur eshte ai qe nuk e leshon veten ne premtimet e dashurise.
Duka e Sudeleigh – it është i vendosur ta martojë vajzën e tij ngatërrestare, Elizabeta. Edhe kjo bukuroshe kokëfortë është po aq e vendosur t’i shpëtojë martesës, atë e shpëton një fermer skocez. Më vonë ajo i futej atij në shtrat…por e zbulojnë.
Në duart e Martínezit, kjo histori dashurie dhe fantazmash shndërrohet në një alegori për historinë politike dhe paaftësinë e një shteti për të integruar të shkuarën e vet me të tashmen.
“Ata që e kanë dashuruar romanin “P.S. Të dua”, kanë pritur me ankth vijimin e historisë së Olit dhe tashmë, “Pusulla dashurie” është në duart e tyre. Mallëngjyes dhe shpresëdhënës, ky vijim i mrekullueshëm do të na rrëfejë për udhën e re që ndërmerr Oli drejt zbulimit të vetes.
Një thriller fantastik ku bashkohet e shenjta e tatuazhit të Alefit dhe brirëve të demit të Kretës, magjia e një varëseje kamé të stërlashtë me kumte pellazge, mugujt e mitologjisë greke dhe tmerri i pandemisë Covid-19 – gjithçka për të zbuluar përjetësinë e thelbit të ekzistencës njerëzore, nga pena mjeshtërore e autores së romanit të suksesshëm “Kutia e Agatha Christie-t”.