Mjafton ta kesh në dorë për të kuptuar interesin mbarëbotëror që ka ngjallur ky libër, që të imponon një lexim shumëfaqësh. Dhe, nëse kësaj i shtojmë faktin se autores i janë dashur rreth dhjetë vjet për ta shkruar, atëherë kuptohet pse ky roman, “Gardalina”, i ka paraprirë një suksesi të paralajmëruar.Personazhi kryesor, Theodor Deker, është edhe tregimtari i romanit, një adoleshent i Manhatanit, jashtëzakonisht i zgjuar dhe shumë i lidhur me të ëmën, një grua e kulturuar dhe e vetmuar, idhnak kundrejt të atit, një ish – aktor i Brodueit dhe i alkoolizuar. Jeta e Theos tronditet gjatë një vizite në muze kushtuar artit flamand.Pasi djali dhe e ëma kanë kundruar kryeveprën “Gardalina” të piktorit holandez Carel Fabritius, një bombë hedh në erë të gjithë pavionin e muzeut. Mamaja e tij nuk arrin të mbijetojë, por Theoja dhe “Gardalina”, ajo pikturë e vogël e çmuar, që në pak penelat përmbledh të gjitha dritëhijet e artit flamand, arrijnë të shpëtojnë.Theoja, që sapo ka mbushur të trembëdhjetat, i mbijeton këtij atentati terrorist, që ia shkatërroi jetën brenda një çasti. I gjendur vetëm në mes të Nju Jorkut, pa asnjë të afërm ose vend ku të qëndrojë, ai merret nën kujdestari nga familja e pasur e një shoku të shkollës. Në shtëpinë e re në Park Avenue, ai ndihet në siklet, i izoluar nga miqtë e vjetër dhe i sfilitur nga malli për të ëmën.Për këtë arsye kapet pas së vetmes gjë që ia sillte atij më afër: “Gardalinës”, pikturës së vjetër me bukuri unike, që në të ardhmen do bëjë të mundur që ai të depërtojë në mjediset e rrezikshme të kriminalitetit ndërkombëtar. Theoja rritet, burrërohet, dashurohet dhe ndërkohë…Lidhjen ndërmjet “Gardalinës” dhe Theos do ta zbuloni duke u zhytur në leximin e këtij libri intrigues, që lexohet me ngulm deri në faqen e fundit. Një roman i fuqishëm, kompleks, i shkruar me mjeshtëri, që shpaloset nën sytë tanë tamam si një kryevepër e artit flamand. Tregimtari i këtij libri të josh, të mallëngjen dhe të lëndon, është një nga ata zëra që do të vazhdojë të na flasë edhe pasi të kemi mbaruar librin. Romani është bërë një bestseller ndërkombëtar, duke qëndruar më shumë se 35 javë si pjesë e listës bestseller të New York Times në Amerikë, si dhe listën bestseller për romanet të Sunday Times në Angli. Ai ka pasur të njëjtin sukses në përkthim, duke qenë në vend të parë në Francë në janar 2014, ku është vlerësuar nga Le Monde si “një roman i madh magjepsës” dhe ku Donna Tartt përshkruhet si “një autore në majën e artit të saj”.Ai ka qenë gjithashtu në vend të parë në listën e bestsellerve në Gjermani. Kurse në Itali është ribotuar dhjetë herë që nga botimi i parë në mars të vitit 2014.

“Gjurmë të errëta” është një roman shumë tërheqës. Personazhet skizofrenikë janë vizatuar me shumë kujdes deri në detajet më të pabesueshme dhe vërtiten rreth një serie vrasjesh mizore, që janë edhe boshti rrëfyes i kësaj vepre mbresëlënëse.”

Eksperimente me pasoja të rënda nga hulumtues të gjeneve me një virus të tmerrshëm… Gjuetia e egër për një armë “të lehtë”, e cila do ishte në dorën e një superfuqie çelësi i zotërimit të botës… Lufta guximtare e një çifti të dashuruarish kundër keqpërdorimit pa skrupuj të shkencës në interes të pushteteve… Cirku ishte ende i mbushur plotë nga të qeshurat e fëmijëve prej dy kllounëve të mrekullueshëm. Befas ata nxjerrin automatikët dhe qëllojnë brutalisht mbi spektatorët e pambrojtur. Në gjakderdhjen e tmerrshme bien viktima edhe hulumtuesi i famshëm i gjeneve Martin Gelhorn, bashkëshortja e tij dhe vajzat e tij të vogla. Një tjetër spektatore, Norma Desmond, reportere e njohur ndërkombëtare, përpiqet më kot për të shpëtuar djalin e saj. Pas humbjes së fëmijës së dashur, Norma sheh vetëm një arsye në jetën e saj. Ajo duhet të gjejë pse ndodhi e gjithë kjo. Gjurmët e çojnë shpejt në Institutin e Gellhornit, ku një grup shkencëtarësh të rinj nga vende të ndryshme, punojnë për eksperimente me rrezikshmëri të lartë.Johannes Mario Simmel përshkruan me saktësi dhe vërtetësi për ata që kanë kohë që përgatiten në botë për kërkimin e së nesërmes, e cila në çdo moment mund të bëhet realitet i tmerrshëm dhe për të cilën vetëm një grusht njerëzish mund të jenë në dijeni. Menjëherë pas fillimit të kërkimit të saj, Norma njeh biokimistin polak Jan Barski, nga tani e tutje, shoku i saj është ndërmjet një makthi, me gjithnjë e më shumë ngjarje e ndodhi, në fund të të cilave qëndron njohuria e tmerrshme: ajo që zbuluan hulumtuesit e gjeneve nga rastësia do ishte në dorën e një prej dy superfuqive, çelësi i zotërimit të botës. Një luftë e pamëshirshme fillon për armën sekrete. Jani dhe Norma duke u përkrahur nga miku i saj prindëror, Alvin Vesten, ish – minsitër që ka lidhje në mbarë botën, dalin si avokatët e fundit të përgjegjësisë morale, armiq deri në vdekje të të gjithë shërbyesve pa skrupuj të pushtetit politik.Skenat e luftës ndërrohen në rend të shpejtë: nga Hamburgu në Nisë, ku në një klinikë ekzistojnë produkte të tmerrshme të manisë së avancimit të shfrenuar; në Berlin, në qytetin tjetër të sulmit terrorist; në Paris, në ata laboratorë ku manipulimet e gjeneve tashmë kanë kushtuar jetët e njerëzve; dhe në ishullin Guernsei, sepse këtu jeton njeriu i cili mund t’i sjellë tmerrit një fund… Johannes Mario Simmel nuk i lë fare kohë lexuesit të marrë frymë, ku ndodhitë e shpeshta dhe krejt të papritura shkojnë kundër vullnetit të pikës vendimtare të krizës. Kërcënim, rrëmbim, vrasje, nuk ka asgjë që superfuqitë të kenë frikë. Gjatë kohës kur shkencëtarët janë pothuajse gati të heqin dorë nga rezistenca e tyre, mbërrijnë Jani dhe Norma, antipatia e të cilëve i hap rrugë dashurisë së thellë, në një kurth të turpshëm, nga e cila duket se s’ka rrugëdalje…

Janka,nje vajze e re ne ndjekje te lirise dhe ne kerkim te veterealizimit, vendos te behet aktore.Puna ne skene na jep idene se endrra e saj eshte realizuar, por realiteti ka pak lidhje me pritshmerite.Pagesa qe merr, nuk eshte e mjaftueshme per te perballuar jetesen. Roli i madh qe i ishte premtuar, i hiqet. Si rezultat i deshtimeve, ajo arrin nje pike kritike: e semure, e vetmuar, e lodhur nga lufta per mbijetese, e privuar nga shpresa per nje ndryshim te fatit, ajo perpiqet t’i jape fund jetes. Komediania eshte nje nder veprat me te rendesishme te Reymont-it, krahas romaneve Toka e Premtuar dhe Fshataret.