Me anë të këtij libri me ilustrime tërheqëse, fëmijët pasurojnë gjuhën dhe zhvillojnë mënyrën e të shprehurit.Në të janë përdorur shumë emra, folje e mbiemra, prandaj në çdo faqe ka shumë gjëra që duhen pikasur me kujdes. Ato u përkasin të gjitha fushave, me të cilat fëmijët argëtohen pa masë, si: Kafshët e egra,
Çfarë bëjnë njerëzit, Ora e historisë, Ngjyrat, format dhe numrat etj.Në libër janë treguar edhe disa histori të thjeshta, në të cilat janë përdorur fjalë të botës së fëmijëve. Ato i ndihmojnë vogëlushët që të mësojnë të shkruajnë e të krijojnë histori të shkurtra.
Pas suksesit me romanin Anja”, Ahmet Premçi vjen me një tjetër sagë nga realiteti shqiptar, e ngjashme me mjedisin mafioz të Italisë së jugut, rrëfyer nga romancieri Leonardo Sasha. Raportet mes mafias dhe pushtetit vijnë përmes aftësisë së autorit për të gdhendur personazhe që mbesin gjatë në kujtesën e lexuesit.
Brida është një vajzë e re irlandeze, e dashuruar me një fizikan të ri, Lorencin. Ajo ka ndjerë një thirrje të brendshme të misterit dhe prandaj shkon dhe i kërkon një magjistari të njohur si Mjeshtri i Madh, personazh nga kryesorët në roman, t’i mësojë magjinë. Këtu zë fill një subjekt që do ta përfshijë këtë vajzë në eksperienca të jashtëzakonshme që kanë të bëjmë me përballjen e saj me dhuntinë e lindur prej shtrige, me lidhjet që krijon e mësimet që merr nga mbretëresha e stregonerisë irlandeze, Wicca, me takimin në hipnozë me një prej paraardhëseve të saj nga mesjeta, që është djegur në turrën e druve nga inkuizicioni.
Saga viktoriane Brixhertonet vazhdon serine e tij me botimin e vellimit te dyte te saj, hedhur ne qarkullim nga botimet Living. Pas suksesit qe ka pasur ne Britanine e Madhe dhe ne tregjet nderkombetare, kjo sage epike po gjen lexuesit e saj edhe ne Shqiperi.
Kjo është historia e Benedikt Brixhërtonit, e treta në serinë e romaneve me temë nga periudha e Regjencës në Londër, me në qendër familjen e fuqishme të kohës, Brixhërtonët.
JU NJOHIM ME BTS, MBRETËRIT E K-POPIT, NË BIOGRAFINË E PARË JOZYRTARE TË GRUPIT QË PO PUSHTON BOTËN! Me albume që kanë arritur majat e chart-eve dhe me shumë çmime në emër të gupit, BTS tashmë janë një fenomen muzikor. Përzierja karakteristike e popit me hip-hopin, stili i veshjeve gjithnjë në ndryshim dhe mbështetja e zjarrtë e ARMY-ve, fansave të tyre pasionantë, i kanë ndihmuar të fitojnë famë botërore. BTS: Ikona të K-popit tregon historinë e shtatë djemve nga Koreja e Jugut dhe lindjen e fenomenit më të ri botëror të muzikës. Ky libër rrëfen aventurën e tyre, këngët e secilit prej pjesëtarëve të grupit, muzikën e tyre, çfarë i bën ata të veçantë nga debutimi dhe fillimet e karrierës së tyre deri tani… që kanë arritur sukses botëror. Jupre
Bukëpjekësja trashaluqe, Margot, punon në furrë në stacionin kryesor të trenit. Ajo
pjek petulla. Të freskëta dhe të këndshme! Mirëpo Margot e ka një sekret.
Një sekret të pazakontë.
Nganjëherë futet në petull, e pastaj…
Hej, shikoni, andej po vjen piktori i njohur Friderik Simitja. Vrapon mu te petulla. Është i uritur, pasi në fenerin gjigant është duke vizatuar botën. I shërben vetes petullën më të afërt, nxjerr paratë nga xhepi dhe i vendos mbi banak.
Këtu gjenden disa nga përrallat më të bukura të të gjitha kohërave. Tituj të njohur, si “Bukuroshja e fjetur”, janë përralla mbi vlerat që kanë ende rëndësi për ne sot, si familja dhe besnikëria, miqësia dhe kuraja, të shkuarit mirë në shoqëri dhe realizimi i ëndrrave. Në këtë libër do të gjeni përralla që tashmë janë të preferuara, si dhe të tjera që do t’i lexoni për herë të parë, por e sigurt që do të bëhen, gjithashtu, të preferuarat tuaja.
Një shkrimtare e suksesshme, që kthehet në atdhe për të vizituar një spital psikiatrik… Një gazetar i kronikës rozë, që gjurmon këmba-këmbës shkrimtaren… Një aktore e re, që frekuenton të njëjtin spital, për të ndërtuar një rol të pazakontë… Një grua e hijshme, që shfaqet drojtur përtej kangjellave të oborrit të këtij spitali… Jetët paralele të disa personazheve, të kryqëzuara, të gjitha, në një çmendinë… simbolika e së cilës i kapërcen muret e saj fizikë, në “një shoqëri që ka gati gjithmonë një këmishë force, për t’ia veshur gjithkujt që e gjen të ndryshëm”… Qyteti A. nuk ka asnjë koordinatë gjeografike. Ai mund të gjendet kudo… E ashtu si kudo, edhe në këtë qytet njerëzit ëndërrojnë, zihen, shpërfillen, çmenden, duhen, ndahen… pastaj ndërtojnë “shtëpi me dritare anijesh që shohin mbi det”, si të jenë duke pritur vazhdimisht prej andej, diçka që nuk mbërrin kurrë…