Pse shkruan dikush? Duke dashur të ndjekim gjykimin e Italo Calvinos, do të thonim se ‘të shkruash do të thotë të fshehësh dicka, për ta zbuluar më pas’. Kështu pra. një shkrimtar fshihka? Po, por në ndryshim nga qeni i Lizës, që i fshinte hapat e tij me bisht, shkrimtari të ndih mon ta gjesh fshehkën, pasi ai është dhe lexuesi i parë i vetes dhe prandaj, teksa fsheh si shkrimtar, zbulon si lexues. Ernesto Spinelli fsheh shumë mirë. Aq mirë, sa ia del të mbyllë një inxhinier në një sirtar tavoline. E bën këtë në tregimin e tij të shkurtër “Djali valixhe”, ku rrëfen për një të diplomuar me rezultate të shkëlqyera, i cili, me entuz jazëm, prezantohet në intervistën e tij të parë të punës, krenar dhe njëkohësisht i emocionuar për të vënë në praktikë studimin e shumë viteve. A punësohet? Sigur isht. Mos po vini vallë në diskutim shpërblimin triumfues të dijes, në ditët tona?