Si te punosh me veten

Përshkrim

“NGA DR. NICOLE LEPERA, KRIJUESJA E @THE.HOLISTIC.PSYCHOLOGIST, VJEN NJË QASJE REVOLUCIONARE NDAJ SHËRIMIT, QË SHFRYTËZON FUQINË E VETES PËR TË PRODHUAR NDRYSHIME TË QËNDRUESHME.

Si PSIKOLOGE KLINIKE, Dr. Nicole LePera shpesh acarohej nga kufizimet e profesionit të saj. Duke dashur më shumë për pacientët e saj – sigurisht edhe për veten – ajo zhvilloi një filozofi të mirëqenies mendore, fizike dhe shpirtërore, e cila i pajis njerëzit me informacionin dhe mjetet për të shëruar veten e tyre. Ajo filloi t’i ndante këto njohuri në llogarinë e saj në Instagram dhe lindi kështu një lëvizje.

Në librin “SI TË PUNOSH ME VETEN” Dr. LePera ofron një manifest për lëvizjen vetëshëruese dhe një udhëzues për të krijuar një jetë më autentike dhe më të gëzueshme. Duke u mbështetur në shkencën më të fundit në epigjenetikë, në teorinë polivagale, në hulumtimet e mikrobiomës dhe në shumë fusha të tjera, Dr. LePera paraqet një qasje ndërdisiplinore, holistike për mirëqenien mendje-trup-shpirt, ndryshe nga të tjerat.

Vetëshërimi kërkon një përkushtim të përditshëm ndaj veprimeve të vogla dhe të qëndrueshme që të gjitha bashkë çojnë në ndryshime të qëndrueshme. Dr. LePera u tregon lexuesve se si të njohin besimet e tyre thelbësore, të identifikojnë modelet e mendimit të kushtëzuar dhe të përshtaten me intuitën e tyre për t’u rilidhur me vetveten e tyre të vërtetë.

Gjatë gjithë këtij procesi, lexuesit mund të njohin ndikimin e qëndrueshëm të përvojave dhe tramave të kaluara në marrëdhëniet, besimet dhe sjelljet aktuale. Këto sjellje mund t’i mbajnë njerëzit të mbërthyer në modele zhgënjyese, të dhimbshme bashkëvarësie dhe tradhtie ndaj vetvetes.