Në tragjedinë e tij “Emilia Galoti” , Lesingu u frymëzua nga tregimi i historianit t) vjetër romak Tit Livi , që bën fjalë për romaken Virgjinia . Patrici Api Klaudi , thotë Tit Livi donte t’i binte më qafë vajzës plebeje, Virgjinisë . Po meqë s’e shpëtonte dot nga kthetrat e patricit , babai e mbyti vajzën përpara popullit , se qe më mirë të vdiste sesa të bëhej mantenuta e tij . Kjo sjellje e t’et qe një shkëndijë për kryengritjen e plebenjve : pushteti i patricëve u shemb dhe Api Klaudi vrau veten në burgun ku e kishte mbyllur populli fitimtar .
Me ” konceptet bazë të mendimit dhe kulturës kineze” nënkuptojmë konceptet dhe fjalët apo frazat kyçe në aspektin kulturor që ka krijuar apo ka përdorur Kombi Kinez , dhe që në mënyrë të koncentruar shprehin mendimin folizofik , shpirtin humanist , mënyrën e të menduarit dhe vlerat kineze.
” Kadareja atdheun e tij , Shqipërinë, dhe njeriun e tij , qenien e tij , i populloi në vetëdijen e lexuesve të vet : si diçka të shenjtë , kurse Shqipërinë , si sinonim të vetmisë ” ( Ante Popovski )
Mjerimi i historicizmit , sigurisht nuk është kryevepra e K.Popperit . Sidoqoftë ajo mbetet një vepër përfaqësuese e mendimit popperian dhe e stilit papërsëritshëm të arsyetimeve të tij . Libri ka një vëllim të vogël ; megjithatë , në ato pak faqe të tij shpalosen mjeshtërisht qëndrimet e Popperit si studiues .
Romani i Agron Tufës “Paqja e përgjakur e Adamit” është një rrëfim elegjiak për fatin e njeriut të drejtë që përpiqet të meritojë “hisen e tij nën diell”, që sakrifikon e flijohet për të afërmin, që ëndërron të ndërtojë strehën e tij në paqe me këtë botë dhe që gjen në realitet vetëm tradhtinë, poshtërimin dhe mosmirënjohjen.
Historia e një incidenti , i cili , prej një çerek shekulli pas rënies së komunizmit , është kthyer kokëposhtë , në botime të ndryshme , kujtime , intervista , forume letrare , me prirjen për të shfajsuar njërin e për t’i vënë gishtin si fajtor tjetrit .
Intervista e shkrimtarit dhe kritikut të njohur francez , Eric Faye , me Ismail Kadarenë , që botohet në këtë libër , është unikale në llojin e vet , ngaqë është kryer në tri kohë , krejtësisht të ndryshme . Ajo që bie në sy në të trija bisedat është koherenca e mendimit dhe stilit të të shprehurit , gjë që jep përshtypjen sikur është e njejta kohë , jashtë ndryshimeve dhe trysnive politike .