“Ky roman kaleidoskopik të ngazëllen me gjallërinë e protagonistes… Edhe pse jeta e Leilës gëlon nga tragjeditë, Shafaku përqendrohet te besnikëria dhe mirësia e saj, te gëzimi që ndien ajo nga miqësia dhe te tekat e jetës së Stambollit.”

Fjalët e fundit të një njeriu në shtratin e vdekjes… Të thjeshta në dukje, ato mund të shkatërrojnë një jetë të ngritur me mund ndër vite.Megjithatë, shumë pyetje kanë mbetur pezull prej kohësh dhe Françeska duhet të kthehet në vendlindje, në Trieste, për të kujtuar diçka që është përpjekur gjithmonë ta harrojë. Përse? Një e shkuar e errët gjatë Luftës së Dytë Botërore, të rinj që kanë qenë pjesë e Rezistencës Italiane dhe e kanë mësuar Françeskën të mos i besojë askujt në këtë jetë. Por të luftosh deri në fund për idealin, do të thotë të bësh zgjedhje që të ndryshojnë të ardhmen, zgjedhje që e kanë një çmim, zgjedhje që fshehin sekrete, për të cilat nuk duhet të ketë dëshmitarë…Tani, dikush e thërret të kujtojë. Tani, një histori e largët ka ardhur shumë pranë.Një rrëfim intensiv dhe i detajuar, që duket sikur është shkëputur nga një faqe pak e njohur e Luftës së Dytë Botërore; një histori për përgjegjësitë personale, për fuqinë e sekreteve dhe për rëndësinë e së kaluarës, që të arrijmë të kuptojmë se kush jemi në të vërtetë.

Titulli i romanit më të ri në shqip të Drago Jančar “Dhe dashuria gjithashtu”, tingëllon disi i pazakontë, pasi ai gjen zhvillim në një vend dhe kohë kur bota duket sikur drejtohet nga urrejtja.

“Fjala e fundit e Sokrat Bubës” i autorit Thanas Medi është një roman që nuk lexohet, por shikohet si një film.

Romani për fëmije “I fundmi i Kastriotëve” hedh drite mbi një ngjarje tragjike të historisë së Shqipërisë, e cila njihet shumë pak nga lexuesi shqiptar. Shkrimtari Bedri Dedja, duke u mbështetur në fabulën dhe subjektin e veprës me të njëjtin titull, shkruar nga Andon Frashëri, ndërtoi mbi skeletin e saj një vepër të re, se cilës i dha formën e romanit për fëmije.