Libri më i bukur i vitit 2020 nga Oprah: Libri më i bukur i vitit 2020 nga Amazon.com Nominuar për çmimin “Locus” për vitin 2021: Libri më i bukur i ri nga “Barnes and Noble” për vitin 2020. Një jetë që nuk do ta mbajë mend askush. Një histori që nuk do të harrohet kurrë.
Gjatë diktaturës komuniste në Shqipëri, të gjithë ishin të barabartë për sa i takon frikës ndaj persekutimit politik. Jeta është luftë mbështetet mbi disa qindra orë intervista me gra e burra nga bashkësi etnike të ndryshme në Shqipër. Në libër tregohen historitë e gjashtë individëve, të cilët, si thuajse gjithë të tjerët, luftuan për t’iu mbijetuar trysnive të diktaturës. Nëpërmjet rrëfimeve të tyre intime, mësojmë se si shteti kontrollonte çdo aspekt të jetës, si dhe cilat ishin mënyrat me të cilat njerëzit shprehnin gëzimin apo mospëlqimin e tyre. Jeta ështe luftë dokumenton se çfarë krijuan njerëzit dhe atë çfarë u shkatërrua midis viteve 1944 dhe 1991, dhe përsiatet rreth mënyrës se si, në të tashmen e dhunshme kapitaliste, ne krijojmë kuptim nga kujtimet tona. Është koha t’i dëgjojmë këta zëra, t’iu përgjigjemi thirrjes së tyre për drejtësi dhe dinjitet.
Romani “Jetë shkodrane” (1965) është nji tablo unike e jetës së qytetit verior në kapërcyellin e shekujve XIX-XX. Stili dhe gjuha e Simonit, përshkrimet e detajuara dhe aftësia e depërtimit në psikologjinë e personazheve, na i përçojnë të freskëta edhe sot skenat e jetës së asaj kohe dhe rindërtojnë artistikisht klimën urbane të zanafillës së modernitetit tonë. Cuk (Lazër) Simoni lindi në Shkodër në vitin 1889 dhe vdiq në Tiranë në vitin 1968. U nda në shenjë për aktivitetin e tij patriotik para dhe pas shpalljes së Pavarsisë. Njihet gjithashtu si përkthyes i kryeveprës së shkrimtarit italian Carlo Collodi, Aventurat e Pinokut dhe si drejtues i së përkohshmes Cirka në vitet ’30.
Pasrendës i romanit të njohur “Brave New Wold” të Aldous Huxley, romani “Kallocain” i shkrimtares suedeze Karin Boye i përket zhanrit të distopisë së drogës, të një shoqërie ku farmakologjia përdoret për të shtypur zërat kundër sistemit totalitar që udhëheq dhe mbikëqyr jetët e shtetasve të vet.