Në këtë libër, Žižek analizon fenomenin e dhunës në të gjitha format që kjo merr në shoqëritë tona. Autori orvatet t’i kategorizojë këto forma (dhunë subjektive, objektive dhe sistemike) dhe, duke iu qasur këtyre nëpërmjet filozofisë, artit, studimit të rasteve historike, ai kërkon të nxjerrë në dritë ato zona të errëta, shpeshherë të fshehura, të ushtrimit të dhunës.

Një libër jashtëzakonisht i rëndësishëm… nga ana intelektuale i saktë, i ndershëm dhe i guximshëm… duke qenë një kritik dyshues dhe i regjur i Kissingerit për gati tri dekada, unë e pashë veten të mundur.”

Nihilizmi dhe emancipimi na jep një panoramë të shkëlqyer të punës së kohëve të fundit të Vattimo-s,të sfidave të tij interesante dhe origjinale ndaj atyre ideve filozofike që shpesh quhen të sigurta. Edhe ata që nuk janë dakord me përfundimin e argumentit te Vattimo-s, do të përfitojnë duke u thelluar në ritrajtimin e tij joshës e plot imagjinatë të peisazhit filozofik.

Platoni është filozofi me ndikimin më të madh në qytetërimin botëror dhe sidomos atë europian. I lindur në Athinë, (427- 347 p.e.s.), ai ishte një student i Sokratit, filozofit më të madh të të gjitha kohërave, dhe më pas ai u bë mësues i filozofit tjetër të madh grek, Aristotelit.