Mishel Ardani, Nikoli dhe Barbikani i mbijetuan shpërthimit të tmerrshëm, i cili i dërgoi në hapësirë. Pavarësisht nga frika, që u shkakton një asteroid, i cili mund ti bënte pluhur e hi, këta festojnë me dinjitet realizimin me sukses të nisjes së tyre.

Burgu i Qelqtë është vëllimi i dytë i serisë fantastike dhe me aventura Sekreti i Mhoragës. Qendra Botërore e Kriptozoologjisë e Nju Jorkut do të hapë portat e veta pas pak kohe; dhe të gjithë janë të paduruar që të admirojnë përbindëshin e parë të zënë rob në histori.

Kur djaloshi Xhon Emil Talbot mëson mbi ekzistencën e Ragdanorit një përbindësh hibrid, njëkohësisht gjarpër deti dhe krijesë liqenore nuk ka më dyshime se një botë e re po i hapet përpara syve, duke e kredhur jetën e tij në zemër të një aventure të panjohur lufte, dashurie, tradhtie dhe gjuetie përbindëshash.

Ata të gjithë i jepnin llogari kryetarit të lozhës… Vite më parë një detektiv privat i ardhur nga Çikagoja solli drejtësinë në një qytezë të kapluar nga tmerri. Tani ai do të paguajë. Një e shtënë e dyfishtë në fytyrë nga një armë gjahu e sharruar lë të vdekur një burrë… dhe zbulon një sekret, që ka ndjekur një tjetër burrë matanë oqeanit, duke vënë në gjurmë të tij kriminelët më të pamëshirshëm të botës. Burrit i nevojitet ndihma e një detektivi të madh… Por a do të mundet këtë radhë Sherlok Holmsi ta shpëtojë atë?

Përse, pas zhdukjes së mistershme të babait të saj, zonjusha e bukur Morstan nis të marrë çdo vit si dhuratë nga një perlë të rrallë e të shkëlqyer? Kush është ky bamirës i mistershëm? Përse dashka ky person krejt papritur të takohet me të? Misteri zë fill pasi Holmsi dhe Uotsoni vihen pas një thesari të paçmueshëm indian dhe një vrasësi, vula ogurzezë e të cilit është “shenja e të katërve”.