Rilei Taneri ka një mik të veçantë, më të mirin që mund të dëshirojë çdo vajzë. Kleiton Prestoni është mbështetje e madhe për të; besnik, i ndershëm, i besueshëm, i sjellshëm e i kujdesshëm. Është dhe djali më i pëlqyer i shkollës, por ata të dy gjithmonë kanë pasur marrëdhënie të drejtpërdrejta e të afrueshme, miqësi të pastër, pa ndërlikime dashurore.Rilei u largua për një muaj me pushime dhe gjërat mes tyre duket se ndryshuan dhe gjendja bëhet përherë e më e çuditshme. Rilei nisi ta shohë ndryshe, jo thjesht si shoqe. Dhe si të mos mjaftonte kjo, për ta ndërlikuar edhe më tepër marrëdhënien mes tyre, hyn në mes edhe armiku numër një i Kleitonit: një rival që kohët e fundit qe interesuar shumë për Rilein…
“Gjuetari i shtrigave”, libri i parë i serisë thriller me protagoniste detektiven Xhesika Niemi, është New York Times dhe Spiegel Bestseller. Po përkthehet në 40 gjuhë të ndryshme dhe së shpejti do të jetë edhe serial televiziv në Hollywood nga Greg Silverman i Stampede Ventures.Detektivja Xhesika Niemi po heton një rast të jashtëzakonshëm vrasjeje në seri. Gruaja e shkrimtarit të famshëm, Roxher Koponenit, duket se është vrarë në një ritual të çuditshëm. Por asgjë nuk është e rastësishme – autori i krimit ndjek pikë për pikë modelin e rrëfyer në librin më të shitur të kohës. A është çmendur lexuesi besnik i Roxher Koponenit, apo kemi të bëjmë me një çështje tejet personale? Si mund ta ndalojë Xhesika një kriminel që di çdo hollësi të librit edhe më mirë se vetë autori?Noiri më i freskët këtë herë vjen nga Finlanda! Një thriller psikologjik, trullosës e plot të papritura. Max Seeck ka aftësi fenomenale të krijojë ngjarje mahnitëse e ta befasojë lexuesin përherë e më shumë.“Një nga librat më të mirë që kam lexuar. Absolutisht drithërues, i shkruar mirë dhe të lë pa frymë deri në faqen e fundit.” – Emelie Schepp, autore e Slowly We Die Në shqip nga i njëjti autor gjendet edhe romani thriller “Engjëjt e Hamurabit”.
Poezia e Besnik Mustafajt, mbetet lloji i shkrimit imagjinativ, ka një prirje të natyrshme për të medituar edhe mbi temat më të përgjithshme, si dashuria, pritja, paniku, protesta a vdekja, me enumeracion imazhesh impresive të shprehura me detaje konkrete. Kjo cilësi, e cila në pamje të parë mund të duket si prirje e kalitur nga përvoja e tij e gjatë si prozator, duhet të jetë predispozitë më e thellë, jo thjesht ngaqë Mustafaj i ka fillimet e tij letrare në poezi, por edhe për faktin se pikërisht në këto fillime evidentohet kujdesi i tij i përkorë në përzgjedhjen dhe raportimin e detajeve konkrete.
Ky libër hap tetralogjinë autobiografike të shkrimtarit të shquar Elias Kaneti, i cili botohet për të parën herë në gjuhën shqipe. Qysh kur doli së pari në vitin 1977, kjo “histori e një rinie” u prit si një “vepër klasike bashkëkohore”, si një nga ato vepra letrare që e kanë të sigurt jetën e tyre të gjatë e që emocionojnë thellë çdolloj lexuesi.
Xhejms Borg një pjesë të kohës së tij e shpenzon duke punuar si këshilltar dhe mësues biznesi. Ai gjithashtu drejton seminare kushtuar zhvillimit personal dhe aftesive në biznes, në të cilat trajtohen tema të tilla si: përmirësimi i kujtesës, bindja, të qenët i vetëdijshëm për gjuhën e trupit dhe “kontrollin e mendjes”.
Libri “Gjuhet e parajses” ( Ariane dhe Semite nje cift provanor) me autor historian dhe filozofin e ligjerimit Maurice Olender,mundeson leximin e qarte te aktualitetit politik te ligjerimeve tona gjuhesore.
“Gjurmë të errëta” është një roman shumë tërheqës. Personazhet skizofrenikë janë vizatuar me shumë kujdes deri në detajet më të pabesueshme dhe vërtiten rreth një serie vrasjesh mizore, që janë edhe boshti rrëfyes i kësaj vepre mbresëlënëse.”
Njihu me gjyshen e Benit. Ajo i ngjan shumë gjyshes së librit tënd: Ka flokë të bardhë. Ka dhëmbë të rremë. Mban shami letre të përdorura te mënga dhe është hajdute ndërkombëtare bizhuterish! Në këtë libër perlë, Walliams ndërthur komedinë e vërtetë me një mesazh emocional. Të gjithë ata që mendojnë se gjyshet nuk dinë gjë tjetër, veç të vishen me të zeza dhe të luajnë letra, do të gajasen së qeshuri. Jashtëzakonisht dëfryese, histori komike, prekëse dhe ndonjëherë e trishtueshme.