Mund ta thyejë Fama heshtjen në kohë për të shpëtuar botën? Fama mburret me faktin se i di të gjitha thashethemet që qarkullojnë në AMO. Po ndodh që kapet me presh në duar aty ku nuk i takon, ndaj sfidohet të kalojë një ditë të tërë pa bërë thashetheme, duke iu nënshtruar një magjie të veçantë, për të qenë të sigurt! Po, kur një udhëtar pa biletë nënkupton se do të bëjë diçka që mund të kërcënojë jetën në Tokë, Famës i duhet të gjejë një mënyrë për të paralajmëruar drejtorin Zeus. Do të mundet kjo vajzë e thashethemeve ta thyejë betimin e vet për të ruajtur heshtjen përpara se të jetë tepër vonë?

Persefoni u lodh duke kënaqur këdo… Sikurse e nxit mamaja, Persefoni shpesh nuk ua prish qejfin të tjerëve, në vend që të bëjë atë çka vetë dëshiron. Po, kur takohet me djalin e keq të Akademisë së Malit Olimp, Hadin, më në fund, ndien se ka gjetur dikë, me të cilin të sillet si vetvetja. Ai është i pari person, që vërtet e dëgjon dhe asaj fillon ti pëlqejë, përpos faktit se vajzat e tjera perëndesha mendojnë se ai ndjell keq. Po, nëse Hadi e bën të ndihet kaq e veçantë, e kaq rehat, atëherë ai ndoshta nuk është edhe aq i keq.

Afërdita ka konkurrencë të fortë… Afërdita kënaqet kur ndihmon të vdekshmit në punët e dashurisë, por i është mërzitur vëmendja e vazhdueshme që rrëfejnë djemtë perëndi ndaj saj në Akademinë e Malit Olimp. Kur ajo vendos ti bëjë Athinës një shndërrim rrënjësor, ndeshet e papërgatitur me pasojat. Nuk e parashikoi tërë interesin që do të ngjallte pamja e re e Athinës. Dhe sigurisht nuk e mendonte kurrë se do të ndihej xheloze për njërën prej shoqeve të saj të ngushta! Do të jetë në gjendje Afërdita ta hedhë pas krahëve xhelozinë?

Shokët e klasës e shohin Artemisën si vajzën perëndeshë më të guximshme në AMO. Pak e dinë se përpos aftësive të përkryera si harkëtare, Gerioni erëkeq, Minotauri me unazë në hundë dhe akrepat në orën e Bishologjisë e trembin po njësoj si këdo tjetër! Por ajo që e shqetëson është ndjesia e çuditshme që provon sa herë shikon Orionin. Asnjëherë nuk i ka rënë në kokë për një djalë. Do ta gjejë kurajën ti flasë Orionit, në mënyrë që ai ta shohë si më shumë se një shoqe dhe njëkohësisht të dalë shkëlqyeshëm në orën e Bishologjisë?

Afërdita ka shumë me tepër sesa thjesht një fytyrë të bukur!Pas një keqkuptimi të vockël (në fakt, nisja aksidentale e një lufte mund të mos jetë dhe aq e vockël), Afërdita po ngelet ne Herologji. Për të ngritur notën, ajo sajon një plan të shkëlqyer, një projekt , që do t’i japë kredite shtesë për t’u bërë mblesi i të vdekshmëve, të cilin e quajnë Klubi i Zemrave të Vetmuara. Kjo e shpie në Egjipt, madje ballë për ballë me një konkurente të egër: perëndeshën me emrin Isis. Tashmë gara ka nisur për të gjetur shoqen e përshtatshme për djalin e vdekshëm më të mërzitshëm në botë!

Mbretëresha e Ligësisë apo e keqkuptuar? Meduza Gorgon pa dyshim që nuk është pjesë e grupit të personave të admiruar. Me gjarpërinj në kokë dhe një personalitet edhe më gjarpëror, askush në Akademinë e Malit Olimp nuk mburrej se ishte shok për kokë me të. Po thellë në zemër, Meduza dëshiron të përshtatet dhe mendon se zgjidhja e tërë problemeve të veta është pavdekësia, diçka që të gjithë shokët e klasës, bashkë me dy motrat e saj, e kanë. Varësja Pavdekësuese premton ta bëjë realitet këtë ëndërr. Po me çfarë çmimi?

Pandora është gati të hapë një kuti të madhe me telashe… Pandora është një prej pak të vdekshmëve në Akademinë e Malit Olimp dhe natyra e saj më së shumti kureshtare e ka bërë të njohur mes shokëve të klasës. Por ajo nuk mendon se këtu ka ndonjë gjë të keqe, sigurisht! Kur një djalë perëndi me emrin Epimeteu sjell në shkollë një kuti të mistershme e të rrezikshme, Pandora nuk mund të rrijë pa i hedhur një sy brenda, pasi papritur i bie mu në prehër. Çfarë dëmi mund të shkaktonte ajo vallë? Por as që ia pret mendja se duke hapur atë kuti, ka hapur shumë më tepër telashe nga sa pandehte…

Kjo seri permbledh vepra perfaqesuese te dhjete shkrimtareve te njohur te letersise kineze per femije,disa prej te cileve jane nominuar per Cmimin Hans Christian Andersen. Te gjitha veprat e tyre jane perralla dhe histori per femije kineze.Ka marrdhenie midis dashurise dhe lumturise,realitetit dhe fantazise,njerezve dhe natyres.Ne keto vepra,cdo femije do te gjeje historine e vet,e cila do t’i rrefeje se si perballet me veshtiresi,si t’i coje perpara endrrat dhe te kaperceje telashet qe mund te hase ndersa rritet.Duke lexuar keto histori te mprehta dhe te gjalla,do te kuptoni femijet kineze dhe boten e tyre te fantazise.