Përshkrim
Sipas këtij dokumenti dorëshkrim, gjatë darkës Çerçilli i ka propozuar Stalinit ndarjen me përqindje të influencës në vendet e Europës Qendrore dhe Juglindore. Konkretisht: Hungaria do të ishte 50 me 50 për qind, Rumania 10 për qind për anglo-amerikanët, 90 për Bashkimin Sovjetik. Edhe Bullgaria mbetej sovjetike 75 për qind, çereku i fundit shkonte për Perëndimin.
E kundërta do të ndodhte me Greqinë: 90 për qind me 10. Jugosllavia 50 për qind me 50. Shqipëria do të ishte përjashtimi i vetëm: 100 për qind për Britaninë e Madhe…
Por kishte megjithatë një diçka në atë fletë letër të shkruar me dorën e vet nga Çerçilli, e cila nuk po e linte të qetë kureshtjen e biografit: përjashtimi i Shqipërisë, shtetit më të vogël në atë hartë ballkanike, nga ndarja…
Pse kjo përkujdesje e posaçme nga vetë Çerçilli për ta marrë në mbrojtje atë komb të vogël, pa asnjë ndikim në përballjen e madhe të kombeve asokohe?
Dhe përse Stalini kishte pranuar me aq lehtësi të hiqte dorë nga Shqipëria, ndërkohë që në vend komunistët e tij i kishin përgatitur të gjitha rrethanat politike dhe ushtarake për të marrë pushtetin?…
Enigmë mbetej sjellja e Çërçillit.
Edhe pse do të ishte një mundim krejt i kotë, domethënë pa lidhje me shkrimin e biografisë, B. J. po ndihej i detyruar për ta zbërthyer disi atë enigmë.
Shqyrtime
Ende pa shqyrtime.