Dieta e pasionit

Përshkrim

Erika Kanteli ndihet shumë e rënduar, por kjo nuk ka aspak lidhje me kilet e tepërta që po mundohet të heqë. Në pamje të parë, ajo përcjell një imazh mbresëlënës, ku shkrihen në një gruaja me një karrierë të suksesshme, bashkëshortja ideale dhe nëna e jashtëzakonshme me dy fëmijë të mrekullueshëm.

Në realitet, nuk i mjafton as ditë-nata e plotë për të përmbushur gjithë detyrat, ka një bashkëshort që ekziston vetëm si barrë në jetën e saj, mezi e nxë fustani i masës njëzet dhe i vetmi burrë që i shfaq ngrohtësi është shoku i saj i ngushtë gay.

Mes zemërimit dhe mllefit, Erika ëndërron të heqë qafe të shoqin, që është gjithnjë e më shpërfillës ndaj saj e familjes. Kjo dhe ëndrra me sy hapur për Xhulianin, një burrë tmerrësisht i pashëm dhe mrekullisht i vëmendshëm ndaj saj, do ta ndihmojnë të mos çmendet.

Por teksa i shoqi rreket ta zëvendësojë me një modele bukuroshe të masës zero, Erika kupton se duhet ta ndryshojë rrënjësisht jetën e saj. Të fillojë dieta masakruese? Të bëjë operacione për zvogëlimin e stomakut? Apo rruga e vërtetë drejt lumturisë është të çlirohet krejtësisht prej tij?

Kritika

Personazhi i Erikas është vërtet tërheqës. Libri trajton çështje serioze, si: divorci dhe ndikimi i tij mbi fëmijët. Ky është një libër i mrekullueshëm me një mesazh të këndshëm për këdo që ka ëndrra për t’u ndjekur. Lexim i përsosur për pushime!

Writing Tips Oasis

Një libër që nuk do ta lëshoni nga dora, rrëmbyes dhe plot humor inteligjent.

The Bashful Bookworm