Dymbedhjete Tregime Pelegrine

Përshkrim

Në Barcelonë, një prostitutë e vjetër trajnon qenin e saj të qajë në varrin që ka zgjedhur për veten. Në Vienë, një grua përfiton nga dhuntia e saj për të parashikuar të ardhmen dhe kthehet në falltaren e një familjeje të pasur.

Në Gjenevë, një shofer ambulance dhe bashkëshortja e tij, pranojnë në shtëpinë e tyre ish – presidentin e vetmuar e që duket sikur po vdes, të një shteti në Karaibe, vetëm për të zbuluar se ambicia e tij politike është e paprekur.

Në këto dymbëdhjetë histori mjeshtërore rreth jetëve të latin – amerikanëve në Europë, García Márquez përçon kombinimin e pazakontë të melankolisë, ngulmit, hidhërimit dhe aspirimit, të cilat janë përvoja të emigrantit.

Koment nga autori
Besoj se me këtë libër tregimesh kam arritur të jem më pranë atij që kam dashur përherë të shkruaj. Ja ku është këtu, gati për t’u shpënë në tryezë pas tërë atyre ecejakeve, duke u përleshur për të mbijetuar me perversitetet e pasigurisë.

Të gjitha tregimet, përveç dy të parëve, mbaruan në të njëjtën kohë dhe secili prej tyre mban datën kur e fillova. Radha, në të cilën ndodhen në këtë botim, është ajo që kishin në fletoren e shënimeve.

Gjithmonë kam menduar se çdo variant i ri i një tregimi është më i mirë se i pari. Si mund ta marr vesh se cili duhet të jetë i fundit? Është një e fshehtë zanati, që nuk u bindet ligjeve të inteligjencës, por magjisë së instinkteve, njëlloj siç e merr vesh amvisa se kur është gati supa.

Gjithsesi, për hir të dyshimeve, nuk do t’i kthehem sërish leximit të librit, ashtu siç nuk i jam kthyer kurrë leximit të librave të mi, nga frika se mos pendohesha. Ai që do t’i lexojë, di tashmë se ç’të bëjë me to.

Për fat, për këto dymbëdhjetë tregime pelegrine, prehja në koshin e letrave duhet të jetë si një rikthim i lumtur në shtëpi.

Komente mbi librin
“Një kryevepër e rrëfimit.”

San Francisco Chronicle

“Plot me kënaqësi për të pazakonshmen në jetë… aftësia e përsosur e García Márquez për të kapur vëmendjen dhe për të magjepsur, e bën librin “Dymbëdhjetë tregime pelegrine”, të mahnitshëm dhe të paharrueshëm.”

The New York Times Book Review

“Mendërisht i mprehtë… të bën për vete i gjithi.”

The Washington Post

“Krejtësisht brilant – secili prej këtyre tregimeve është një perlë.”

The Seattle Times

“García Márquez në më të mirën e tij. Me një frazë surreale ose një imazh magjik, ai na lejon të shohim realitetin, njëkohësisht serioz e komik, në një dritë të veçantë.”