Me afer nga sa mendoni

Përshkrim

Me këtë libër, marrëdhënia juaj me të dashurit që nuk i keni më, mund të shndërrohet në gjënë më të ndjerë, më mbrojtëse, më argëtuese, më natyrale dhe më të bukur se gjithçka tjetër në botën tuaj, aq shumë, sa do të besoni, siç bëj unë tani, se vdekja është një pjesë e bukur e jetës; një fillim dhe jo një fund!

Nëse kjo ju duket shumë e pabesueshme nga këndvështrimi që keni tani, ju kuptoj. Mbase po përjetoni një krizë besimi, ashtu si edhe unë dikur. Të humbasësh duke të dashur e të afërt, e dobëson besimin më shumë se gjithçka tjetër në botë.

Komente mbi librin
“Më afër nga sa mendoni” nuk është thjesht një libër. Ky nuk është një nga ata librat e zakonshëm mbi hidhërimin që sjellin humbjet e njerëzve të dashur dhe trajtimi i vdekjes. Nuk është as ndonjë prej atyre historive individuale që njerëzit “në këtë anë” përpiqen të kuptojnë sinjale të të dashurve të tyre nga “ana tjetër”. Libra të tillë kanë vlerë reale, por ky që keni në dorë, ka më shumë. Shumë më tepër!

Gërshetimi i të gjitha llojeve të historive, që kanë edhe një pjesë të saj brenda, e bëjnë Deborah Heneghan-in të përfshijë çdo aspekt të vdekjes dhe asaj që po mbaron, jetës dhe asaj çka vazhdon të jetojë në zemrat e mbushura plot e të lartësuara, krejtësisht unike dhe të mrekullueshme pa fund!

Gjithçka që ajo ka shkruar, është një udhëzues i dashur dhe i dhembshur, i pakrahasueshëm me asgjë tjetër që kam lexuar më parë. Na ka bërë të gjithëve një nder… me këtë libër na hapi zemrat dhe më në fund, ne mund të shikojmë se ç’ka aty brenda”.

P. M. H. Atwater, LHD, autor i “The big book of near-death experiences and: The rest of the story”

“Autorja flet me një zë të sigurt, me një ndjenjë humori dhe urtësie se si mund të përballohen humbjet e dhimbshme. Pavarësisht pikëllimit, ajo këmbëngul dhe beson se të dashurit tanë komunikojnë me ne në mënyra të ndryshme dhe na ndihmojnë edhe pasi ata vdesin.

Nuk munda t’i ktheja faqet shpejt e shpejt e pa u përqëndruar për të lexuar histori të mrekullueshme të personaliteteve të njohur ose jo, të cilët kanë marrë mesazhe, apo faktin se si një baba i vdekur tërhoqi të birin, një njeri i famshëm, jashtë një makine që po digjej.

Mrekullitë ndodhin dhe ne vazhdojmë me brengën dhe dhimbjen e personave që kemi dashur e kemi humbur. Heneghan parashikon se ekziston një zë i së vërtetës dhe një frymëzim për ta trajtuar mjerimin, për ta pranuar jetën ashtu siç vjen dhe të keni besim në lidhjen dhe komunikimin tuaj të vazhdueshëm me një të dashur që keni humbur.

Dhjetë gjërat e saj thelbësore bazohen në udhëzimet për shërimin e vetvetes dhe ndihmën që duhet t’i japim edhe të tjerëve gjatë kësaj rruge. Ky libër nuk është një thirrje për të shëruar pikëllimin, por një festë jete e dashurie në të gjitha sferat dhe unë personalisht i jap dhjetë yje.”

Dr. Caron Goode, autore e “Kids who see ghosts and raising intuitive children”